Uyah jeung Gula

73

Hudang sare Mang Ohim buru-buru kacai terus sholat subuh. Beres sholat, ninggali pamajikanna pak pik pek beberes Mang Ohim ngarasa karunya kanu jadi pamajikan, hayang ngopi oge melaan nyieun sorangan teu nitah pamajikanna. Blus Mang Ohim Ka Dapur neangan kopi jeung gula. Ninggali toples kopi, Mang Ohim tinggal neangan gula. Rurat reret neangan toples ahirna manggih toples nu tulisan “Gula” ngarendeng jeung toples nu ditulisan “Uyah”. Teu loba carita, Mang Ohim langsung muka toples nu aya tulisan “Gula” bari nyiuk opat sendok gede dina pikiranna meh rada amis karasana.  Geus ditinyuh ku cai panas terus dikocek-kocek eta campuran dua sendok kopi jeung opat sendok gula teh. Bari nungguan kopina rada tiis, lur gelas disimpen dina meja, kedewek leungenna mawa HP nu aya dina meja. Leungen sabeulah anteng nyoo HP, leungeun hiji deui na dipake mawa geulas kopi nu tadi. Suruput kopi diuyup. Teu lila eta kopi nu diuyup diburakeun sabab karasa asin. Teu antaparah Mang Ohim ngacacang kanu jadi pamajikan.

Mang Ohim : Nyaiiiii…..naha gula teh karasa asin, cigana pahili gula jeung uyah teh, salah mere tulisan toples ieu mah?

Pamajikan   : Heunteu Kang!

Mang Ohim : Naha atuh, akang geus bener nyampur kopi teh ku toples nu tulisan “Gula” lain toples nu tulisan “Uyah”.

Pamajikan  : Muhun kang, naha atuh teu naros heula. Ngahaja seratanna dibalikeun. Uyah diseratan “Gula”, upami Gula ku abdi diseratan “Uyah”.

Mang Ohim : Naha make dibolak balik kitu ngarah naon?(Mang Ohim tambah nyureng nyaritana).

Pamajikan  : Ah naha jadi masalah, akang oge nulis ngaran dina HP dibolak balik. Imas jadi Asep, Eli jadi Elan. Ngarah naon eta ameh teu kapanggih ku nyai akang geus salingkuh  !!!!!!

Mang Ohim : ???? (Ngabetem sarebu basa bari ngararasaken asin dina letah).

 

Reka carita Kang Aky

 

 

 

 

TIDAK ADA KOMENTAR

LEAVE A REPLY