Dicakar Ucing

Pamajikan Kang Ohim memang hebat. Waktu ucingna nyakar kana beungeutna, pamajikan Kang Ohim ngan ngomong :”hiji”.

Ninggali pamajikannna kitu, Kang Ohim ngan bisa gogodeg, “sholeh boga pamajikan teh teu ambek dikoet ku ucing ge,” ceuk Ohim dina jero hatena.

Kitu deui waktu dicakar ku ucing kadua kalina, pamajikanna ngan ngomong :”dua”.

Malahan waktu  katilu kalina dicakar  mah,  pamajikan Kang Ohim kalahkah mere dahar asin pindang ka eta ucing. Ngan teu kungsi lila saengges  asin pindang na beak, eta ucing jadi gagarapakan nepi ka paehna. Cigana eta asin pindang teh dicampuran racun.

Ninggali pamajikanna nga-racun ucing, teu antaparah, Kang Ohim nyarekan  laklak dasar pamajikanna.

Kang Ohim : “Teu boga lelengeran, maenya ucing sorangan diracun. Teu waras sugan mah!”

Dicarekan kitu ku Kang Ohim, Pamajikanna teu nembalan ngan ngomong sakecap :”hiji”.

Tisaprak harita Kang Ohim teu wani deui nyarekan pamajikanna.

Ti : Kang Yuda

1 Comment

  1. sri

    31 Maret 2018 at 8:36 am

    Ha,ha…bener canggih pamajikan Kang Ohim

Leave a Reply

Alamat email Anda tidak akan dipublikasikan. Ruas yang wajib ditandai *