Neang Kabogoh

332
Ilustrasi

Ohim : “Euis , Ieu Akang geus dilembur Euis pas jalan gede..belah mana bumina Euis teh ?”

Euis     : “Anu aya gapura Kang, Akang lebet kinten-kinten 25 meter aya bumi gedong 3 tingkat, warna kayas, mobilna seueur”

Ohim : “Siap ! Akang geus dihareupeunnana. Ieu bumi Euis teh ?”

Euis     :”Sanes Akang ! Tidinya Akang mengkol ka katuhu lebet gang kinten-kinten 10 meter, aya lapangan badminton. Tah gigireunnana..Kang”

Ohim :”Eta bumi teh?”

Euis    :”Eta mah bumina tukang urut. Tidinya mah Akang lempeng, pas ngalangkungan jambatan didinya katingal aya kios alit, seratanana ISI ULANG PULSA.

Ohim :”Owh, jadi bumi Euis teh anu jualan pulsa eta ?”

Euis     : “Eta mah namina konter atuh Akang. Tidinya mah kantun ka kenca dugi ka kuburan. Tah payuneun kuburan aya bangunan Kang”

Ohim (mulai keuheul) :  “Jadi imah teh hareupeun kuburan !!??”

Euis     : “Aeh..nya sanes atuh Kang ! Eta mah bumina kuncen, Akang ulah lebet kadinya tapi mengkol deui ka kenca, mapay galengan pasawahan, engke oge bakal katingali aya kandang munding”

Ohim (pundung) : “Aaargghh..! Eta imah silaing ???”

Euis     : “Euis mah sanes munding atuh ih Akang..Tidinya Akang lurus we teras dugi ka sisi leuweung”

Ohim (keuheul) : “Eta gogobrog sia..lain ?!”

Euis     : “Memangna abdi teh monyet, si Akang mah sok aya-aya wae ? Torobos eta leuweung,Kang! Mapay jalan satapak dugi ka pendak sareng masjid alit, tah persis sabeulahna”

Ohim (ambek kacida) : “Sakali deui sia ngomong eta lain imah maneh. Dicacag siah mun panggih! Ieu tuur geus asa coplok”

Euis     :”Hehehe…sabar atuh Kang, ulah emosian janten jalmi mah bilih enggal sepuh. Leres eta pisan bumi abdi. Kumaha tos kapendak tacan Kang ?”

Ohim (rada bungah) : “Akang geus aya di hareupeunana yeuh. Gusti ! meni asa ringsek kieu awak. Pokona pencetan akang nya he…he !!!”

Euis     :”Nya sok langsung kalebet weh da aya mamah abdi nuju nyalira..atos sepuh”

Ohim :”Ari Euis dimana ??”

Euis     :”Nuju di ARAB….!!!”

|Aang Muh|

TIDAK ADA KOMENTAR

LEAVE A REPLY